அரசு கல்லூரியில் பணி வரன்முறை இல்லை

அரசு கல்லுாரிகளில், 2009ல், உதவி பேராசிரியர்களாகச் சேர்ந்தவர்கள், ஐந்தாண்டுகள் ஆகியும் பணி வரன்முறை செய்யப்படாததால், சலுகைகள் கிடைக்காமல் தவித்து வருகின்றனர்.

அரசு கல்லுாரிகளில் உதவி பேராசிரியர்களாக நியமிக்கப்படுவோர், பணியில் சேர்ந்து, முதலில் தகுதி காண் பருவத்தை (புரொபஷனரி) கடக்க வேண்டும்; அப்போது தான், பணி நிரந்தரமாகும். அதன்பின்னரே, அரசு ஊழியர்களுக்கான அனைத்து சலுகைகளும் கிடைக்கும். தகுதி காண் பருவம் ஓராண்டு கழிந்த பின், பணி நிரந்தரம் செய்யப்படுவது பொதுவான நடைமுறை.

ஆனால், தமிழகத்தில், 2009ல், உதவி பேராசிரியர்களாக அரசு கல்லுாரிகளில் பணியில் சேர்ந்த, 900க்கும் மேற்பட்டவர்கள், இதுவரை, பணி நிரந்தரம் செய்யப்படவில்லை.

பணி நிரந்தரத்திற்கான, சான்றிதழ்கள் உண்மை தன்மை பெறுதல், கோப்புகள் தயாரித்தல் போன்ற நடைமுறைகள் முடியவே, ஐந்தாண்டுகள் ஆகிவிட்டதாகக் கூறப்படுகிறது.

இதுகுறித்து, அரசு கல்லுாரி ஆசிரியர் கழக தலைவர்  கூறியதாவது:

பணி நிரந்தரம் செய்வதற்கான கோப்புகள், கல்லுாரி கல்வி இயக்குனர் அலுவலகத்திற்கு அனுப்பப்பட்டு, அங்கு சரிபார்க்கப்பட்ட பின், உயர்கல்வித் துறையில் இதற்கான அரசாணை பிறப்பிக்கப்படும். அந்த அரசாணை, பணியாளர் மற்றும் நிர்வாக சீர்திருத்தத் துறை, நிதித் துறைக்கு அனுப்பப்பட்டு பணி நிரந்தரம் செய்யப்படும்.