சென்னை: மகிழ்ச்சி தரும் பண்டிகைகளில் ஒன்றான தீபாவளியை பாதுகாப்பாக கொண்டாடுவது என்பது அனைவரும் விரும்பும் விஷயம். எனவே, தீ விபத்து, தீக்காயம் இல்லாமல் பட்டாசு வெடிப்பது பற்றி கீழ்ப்பாக்கம் அரசு மருத்துவமனை டாக்டர்கள் பொதுமக்களுக்கு அறிவுரை கூறியுள்ளனர். தீபாவளி பண்டிகையில் பட்டாசு
வெடிக்கும்போது ஏற்படும் தீக் காயங்களின் எண்ணிக்கை நாளுக்கு நாள் அதிகரித்து வருகிறது. குறிப்பாக, இளைஞர்கள் மற்றும் சிறுவர்கள்தான் அதிகளவில் பட்டாசு விபத்தில் சிக்குகின்றனர். இதற்கு காரணம், ஆர்வம் காரணமாக பட்டாசுகளை கையில் பிடித்து வெடிப்பது மற்றும் தூக்கியெறிவது போன்றவற்றில் ஈடுபடும்போது விபத்து ஏற்படுகிறது. சிறுவர்களை பொறுத்தவரை அவர்களிடம் போதிய விழிப்புணர்வு இல்லாததால், கம்பி மத்தாப்பு போன்ற சிறு விபத்துகளில் கை மற்றும் கண்களில் பாதிப்பு ஏற்பட்டு பாதிக்கப்படுகின்றனர்.
பெண்களை பொறுத்தவரை தாவணி மற்றும் சுடிதார்போன்ற உடைகளில் தீ பிடித்து காயங்கள் ஏற்படுகிறது. எனவே, விபத்து இல்லாத தீபாவளியை உறுதி செய்யும் வகையில் சென்னை கீழ்ப்பாக்கம் மருத்துவமனை நிர்வாகம் சிறப்பு வார்டை திறந்துள்ளது. தீ விபத்து இல்லாமல் பட்டாசு வெடிப்பது எப்படி? என்பது குறித்து கீழ்ப்பாக்கம் அரசு மருத்துவமனை டீன் டாக்டர் குணசேகரன், தீக்காய தலைமை மருத்துவ நிபுணர் ஜெகன்மோகன், மருத்துவ கண்காணிப்பாளர் திருநாவுக்கரசு ஆகியோர் நிருபர்களிடம் நேற்று கூறியதாவது: தீ விபத்து குறித்து பொதுமக்களிடையே கடந்த சில ஆண்டுகளாக விழிப்புணர்வு ஏற்பட்டுள்ளது. எனவே, கடந்த ஆண்டு பட்டாசு வெடிக்கும் போது நிகழ்ந்த தீ விபத்துகளின் எண்ணிக்கை குறைந்துள்ளது. இந்த ஆண்டும் பொதுமக்கள் தீபாவளியை ஒட்டி பட்டாசு வெடிக்கும் பொழுது விழிப்புணர்வுடன் இருக்க வேண்டும்.
பெரும்பாலும் இளம் மற்றும் பருவ வயதினர்தான் அதிகளவில் பட்டாசுகளை ஆர்வமாக வெடிக்கிறார்கள். சற்று கவனக்குறைவு ஏற்பட்டாலும் தீ விபத்து ஏற்பட வாய்ப்புள்ளது. கீழ்ப்பாக்கம் அரசு மருத்துவமனையில் தீபாவளியை ஒட்டி சிறப்பு தீக்காய சிகிச்சை பிரிவு டாக்டர் ஜெகன்மோகன் தலைமையில் 20ந்தேதி முதல் தொடங்கி 27ந்தேதி வரை ஒரு வாரம் செயல்படும். இப்பிரிவு 24
மணி நேரமும் இயங்கும். தீக்காய சிகிச்சைக்கான மருந்துகள் தயார் நிலையில் உள்ளன. இவ்வாறு அவர்கள் கூறினர்.
பட்டாசு வெடிக்கும்போது..
* பட்டாசு வெடிக்கும்போது இறுக்கமான காட்டன் ஆடைகளை அணிய வேண்டும்.
* குழந்தைகள் பட்டாசு வெடிக்கும் பொழுது பெரியவர்கள் உடனிருந்து கவனிக்கவேண்டும்.
* வெடிக்காத பட்டாசுகளை கையில் தொடக்கூடாது.
* அதிக சத்தத்தை எழுப்பும் அணுகுண்டு போன்ற வெடிகளை தவிர்க்க வேண்டும்.
* குடிசை பகுதிகள் அருகே பட்டாசு, குறிப்பாக ராக்கெட் உள்ளிட்டவற்றை வெடிக்கக்கூடாது.
* கண்களுக்கு வெகு தூரத்தில் இருந்துதான் புஸ்வாணம், சக்கரம், கம்பி மத்தாப்பு போன்றவற்றை பயன்படுத்த வேண்டும்.
* வீட்டிற்குள் வைத்து பட்டாசு வெடிக்கக்கூடாது.
* திறந்தவெளியில் வைத்துத்தான் வெடிக்க வேண்டும்.
* வெடிக்காத வெடிகளை ஒரே இடத்தில் குவித்து தீ வைத்து எரிக்கக்கூடாது.
* பட்டாசு வெடிக்கும் இடத்தில் ஒரு பக்கெட்டில் தண்ணீர் வைத்துக்கொள்ளவேண்டும்.
காயத்துக்கு பின்னர்...
* பட்டாசு வெடிக்கும்போது உடலில் தீக்காயம் ஏற்பட்டால் அந்த இடத்தில் உடனடியாக தண்ணீர் ஊற்றவேண்டும். ஏனென்றால் தண்ணீர் வெப்பத்தின் தாக்கத்தை தணித்து தீக்காயம் அதிகளவு ஏற்படாமல் தடுக்கும்.
* தீக்காயம் ஏற்பட்ட இடத்தில் இங்க் அல்லது மண் போன்றவைகளை தடவக்கூடாது.
* பட்டாசு வெடிக்கும்போது இறுக்கமான காட்டன் ஆடைகளை அணிய வேண்டும்.
* குழந்தைகள் பட்டாசு வெடிக்கும் பொழுது பெரியவர்கள் உடனிருந்து கவனிக்கவேண்டும்.
* வெடிக்காத பட்டாசுகளை கையில் தொடக்கூடாது.
* அதிக சத்தத்தை எழுப்பும் அணுகுண்டு போன்ற வெடிகளை தவிர்க்க வேண்டும்.
* குடிசை பகுதிகள் அருகே பட்டாசு, குறிப்பாக ராக்கெட் உள்ளிட்டவற்றை வெடிக்கக்கூடாது.
* கண்களுக்கு வெகு தூரத்தில் இருந்துதான் புஸ்வாணம், சக்கரம், கம்பி மத்தாப்பு போன்றவற்றை பயன்படுத்த வேண்டும்.
* வீட்டிற்குள் வைத்து பட்டாசு வெடிக்கக்கூடாது.
* திறந்தவெளியில் வைத்துத்தான் வெடிக்க வேண்டும்.
* வெடிக்காத வெடிகளை ஒரே இடத்தில் குவித்து தீ வைத்து எரிக்கக்கூடாது.
* பட்டாசு வெடிக்கும் இடத்தில் ஒரு பக்கெட்டில் தண்ணீர் வைத்துக்கொள்ளவேண்டும்.
காயத்துக்கு பின்னர்...
* பட்டாசு வெடிக்கும்போது உடலில் தீக்காயம் ஏற்பட்டால் அந்த இடத்தில் உடனடியாக தண்ணீர் ஊற்றவேண்டும். ஏனென்றால் தண்ணீர் வெப்பத்தின் தாக்கத்தை தணித்து தீக்காயம் அதிகளவு ஏற்படாமல் தடுக்கும்.
* தீக்காயம் ஏற்பட்ட இடத்தில் இங்க் அல்லது மண் போன்றவைகளை தடவக்கூடாது.
கருத்துகள் இல்லை:
கருத்துரையிடுக